|
[...]
En l'an mil iii. c, et li. Sgr Gillet le Bel fut Maistre-eschevin de Mets.
En celle année furent les vins si boins et si forts qu'à merveille.
En celle année olt moult grant guerre en Mets contre la duchesse de Lorraine et des Allemans, et vinrent devant Mets à grant puissance par ii. fois, l'une jusque Flevey et Paulre jusque Chamenal, et en rallont sans rien faire, fors qu'il ardont plussour villes; mais ceulx de Mets yssirent fuers et saillirent après jusqu'à devant Nancey et ardirent le paiis en l'entour et gaingnirent les ii. forts maixons de Rozires et brulirent ladite Rozires, et assalirent Froway et gaingnirent le bourg et y prinrent plussours prisonniers et furent tout devant le Gay et le debriserent et jeurent on paiis ii.r jours et ii. nuittiés. Ceulx de Mets estaient bien iii. c. hommes d'armes, desquels estait condusseur chief et capitaine Sgr Thiebault de Blamont chevalier; et au retourner rencontrent bien vii. c. hommes, qu'à pied qu'à chevalx, qui les combatirent et desfirent, et en y olt vii. xx. des mors des Lorains et de ceulx de Mets que ung tont soulz; maix il y ot plusseurs dez blessez et navrez.
[...]
En l'an mil iii. c. et lxiiii. fut Maistre-eschevin de Mets Sgr Nicolle François.
En celle année le comte de Blamont olt grant guerre contre l'evesque de Strasbore et contre Monseigneur de Salme, seigneur de Viviers et contre Sgr Thiebault de Halmestenne, lequel menait les Bretons à son ayde et puis rétornèrent en l'ayde de Pier de Bray contre ceulx de Mets.
[...]
En l'an mil iiii. c. et xv. fut Maistro-eschevin de Mets Sgr Warin de Toul.
En ladite année, le diemange, yigille de la Magdelene, qui estoit le jour de la st Victour, fut receu pour evesque de Mets Sgr Conraid Baier pour ung change qu'il avait fait de son eveschié de Noion à Sgr Raoul de Coucy contre celle de Mets,
En celle année fut grant guerre de Henri de la Tour contre les seigneurs de Mets et n'avoient que faire avec luy, sinon qu'ils avoient aydié à abattre le Saulcy ; et tantost après il déffiait la cité de Mets et amenoit grant armée de Bourguignons et s'en vinrent gésir on Vaulx de Mets, à Mollins, à Ste Ruffine, et y jurent trois jours et abatirent le gibet et prinrent la forteresse de Mollins, et puis s'en alliront bouttans le feu en plusseurs lieux, et fut le jour de la st Augustin.
Item, encor en ladite année le jour de feste sainct Creppin et sainct Creppinet, on moys d'Octobre, fut faite la grant bataille à Agincourt des Anglois contre les Franssoys, en laquelle la plus grant partie des grants seignours de France furent tuez et prins, entre lesquels furent prins le duc d'Orliens, le duc d'Angoleme, le comte de Vertus et plussours autres, et y furent tuez le duc Edowars de Bair et ses frères, le duc de Braibant, le comte de Wauldemont, les enffans de Blamont et plus lx. mil autres; et per ainsy fut la duchiez de Bair sans hoirs, excepté Sgr Lowy, filz le duc Robert de Bair, lequel estoit cardinal et evesque de Verdun, qui se mist en la possession de la duchiez de Bair. Et tantosl vint le duc des Monts, qui avoit espousé l'une des filles dudit duc Robert, qui demandoit et voulloit avoir ladite duchiez, lequel olt plussours des nobles qui ce consentoient et ly firent grant fauveur, car ilz ne faisoient point grant estime du cardinal, car ils
l'appelloient presbstre. Et quant il vit qu'il ne polvoit mie joyr de son fait, il mandait Régné, filz du duc Régné, filz du roy Lows, son cousin, qui esloit filz de la plus ainée fille du duc Robert son père, et ly donnait la duchiez de Bair en mariage, faisant dudit Régné et de l'ainnée fille du duc Chairle de Lorenne. Maix le duc des Montz entreprint moult grant [guerre] pour cestuit et à la fin en fut prins prisonier et monné à Nancey, et ly fallut quicter tout le droit qu'il y povoit avoir et que son filz y pretendoit avoir, luy et tous ses hoirs.
[...]
[An mil v. c.]
Item, le xviiie jour d'Aoust vinrent en Mets le comte de
Blamont, le seigneur « le Montagu, le comte de Tristaine et
Monseigneur du Fayt et firent le mariage dudit comte de Blamont
et de la fille dudit Sgr du Fayt; et le xxiie. jour s'en
partirent et allirent faire les nopces à beaulx repas; et en
allant, aulcuns soldiours les condusoiont; entre les aultres,
ung appelle Petit Jean, gendarme, vit venir Claussequin La
Barbe, se despertit de la compaignie et le vint baltre et
oultraigier, elc. La chouse seroit longue à raconter.
|
