Retour à la liste des textes - Classement chronologique et thématique

Achille François Massu de Fleury (1644-1707)

1728. Die 18. Julii.
Per humillimos & obsequentissimos
Servulos vestros, et si placuerit, vestros Confratres & Concanonicos, Canonicos Regulares Domus Mussipontanae. Ad multosannos.
Constitutiones Canonicorum
Regularium Venerabilis Patris
Petri Fourier
Dicti de Matincour in Lotharingia, quas Rev. P. Prior Canonicorum Regularium in Mussiponto mittit ad repetita vota Reverendae Matris Dominae de Knöbel Superiorissae Sanctimonialium Congregationis Dominae Nostrae in Eychstett.
P. S. Canonico Regulari Bavariae Superioris

[...]
ARTICULUS III.
De Generalibus hujus Congregationis.

[...]
Septimus Generalis fuit Revendissimus FRANCISCUS ACHILLEUS MASSU de Blamont in Lotharingia. Vir omnium artium & scientiarum laude conspicuus, ii. Congregatione professus 21. Auguft. 1661. in qua statim studijs Philosophicis & Theologicis excelluit, litteras humaniores & Rhetoricam Augustæ docuit. Egregij Concionatoris laudem juvenis meruit. Philosophica ac Theologica studia aliquamdiu in Congregatione intermissa cum fructu restituit, & florere fecit. S. Petri Montis Prior, deinde Abbas electus, per omnes honoris gradus ad Generalatus dignitatem ascendit post Reverendissimum D. Philippum Georges anno 1692. Diuturno morbo, quem modestia celaverat, eoque cum patientia supra modum mirabili tolerato consumptus, gloriosæ vitæ cursum morte gloriosiori consummavit anno 1707. die 4. Octobr. Divo Francisco sacra, à quo nomen habebat. Cujus fuerit ingenij & regularitatis testantur tum encomium funebre Reverendissimi P. Joannis Etienne, tum duæ Dissertationes, quarum prima est de vita Parochi Regularis; 2.da de vita Abbatis Regularis, apud Reges & Principes magno in honore habitus.