|
Histoire ample et tres
ueritable, contenant les plus memorables faits aduenuz en l'annee 1587 : tant en l'armee commandee par Monsieur le duc de Guyse, qu'en celle des Huguenots conduite par le duc de Bouillon, enuoyée par vn gentil-homme françois à la royne d'Angleterre : reueuë, corrigee & augmentee par l'auteur
Claude de La Châtre (1536?-1614) - Ed. 1588
Le vingt-neusiesme ou dernier iour dudit mois dAouft l'armée Huguenotte assiegea Salcebourg,
premiere place de Lorraine, où il y auoit garnison de deux compagnies de son Altesse, & vn
Gentil-homme du pays, qui se rendit aussi tost, sans attendre vn seul coup de Canon, dont il fut
fort blasmé & mesprisés de ses soldats mesmes, côme ie leur ay ouy dire. Ils seiournerent quelques
iours audit Salcebourg, pour les commodités qu'ils y trouuerent, faisans prouision de pains &
farine, estans bien aduertis de l ordre donné en Lorraine sur les fours & moulins, qui par edict du Duc bien exécuté, auoient esté tous rompuz sur le chemin que l'on estimoit estre brisee de cette
armée Huguenotte: Lesquels de leur costé traiterét ce pauure peuple Lorrain de toutes les cruaultez dont ils se pouuoient aduiser,
pillans, saccageans & mettans à rançon tout ce qu'ils rencontroient en leur chemin: & après le feu, en deslogeans, difans, que c'estoit pour ce que l'on rompoit deuant eux les fours & moulins.
De Salcebourg ils vindrent loger à Blamont, où il yauoit aussi en garnison deux compagnies de gens de pied,& vn ieune & braue Gentil-hôme qui y commãdoit, qui ne fit pas comme l'autre de Salcebourg: Car encores que dedans le fauxbourg les Lansquenets & l'Infanterie Françoise Huguenotte & toute l'artillerie y fussent logez,
il ne s'estonna nullement, mais au contraire, leur tua plus de deux cens hommes, & garda la place bien qu'elle ne vaille guere, les cõtraignans de desloger le lendemain, à leur confusion, & à son honneur & gloire. |
